Lajmin e bëri të ditur Marta Kos, komisionerja evropiane për Zgjerimin, e cila vlerësoi përparimin e vendit në procesin e anëtarësimit në BE.
Kos tha se Shqipëria ishte ndër vendet që i kanë dhënë shtysë zgjerimit të BE-së gjatë këtij viti. Ajo theksoi se reformat e lidhura me këtë kapitull pritet të ndihmojnë bizneset shqiptare të rriten, të forcojnë sektorin industrial të vendit dhe të krijojnë më shumë vende pune.
Ky zhvillim e afron Shqipërinë me synimin për të përfunduar negociatat e anëtarësimit në vitin 2027. Vendi po vijon reformat për të harmonizuar legjislacionin dhe politikat kombëtare me standardet e BE-së.
Kos shprehu besimin se në muajt në vijim mund të ketë përparim të mëtejshëm, duke sinjalizuar vazhdimësinë e ritmit të integrimit të Shqipërisë në BE.
