Министерот за надворешни работи на Србија, Марко Ѓуриќ, се сретна со државната министерка во Министерството за надворешни работи на ОАЕ, Лана Заки Нусеибех, по повод отворањето на консултациите, кои треба да обезбедат платформа за разговори за билатералните односи и областите од заеднички интерес.
Ѓуриќ истакна дека односите меѓу Србија и ОАЕ се засноваат на пријателство, меѓусебно почитување и разбирање и дека во последните години го достигнале највисокото ниво. Тој го посочи и воспоставувањето стратешко партнерство меѓу двете земји и потпишувањето на Сеопфатниот договор за економско партнерство како клучни чекори во зајакнувањето на билатералните односи и проширувањето на можностите за натамошна соработка.
