Banka Evropiane për Rindërtim dhe Zhvillim (BERZH) ka emëruar Ekaterina Solovovën Drejtoreshë dhe Shefe të operacioneve të saj në Mal të Zi, me detyrë që do ta marrë më 1 shtator 2026.
Ajo do të pasojë Remon Zakarian, i cili do të marrë drejtimin e BERZH-it në Armeni. Solovova do të udhëheqë aktivitetet investuese të Bankës, dialogun me institucionet dhe mbështetjen për reformat në Mal të Zi.
Në këtë rol, ajo do të bashkëpunojë me autoritetet shtetërore, sektorin privat dhe partnerët ndërkombëtarë për të mbështetur tranzicionin e gjelbër, forcimin e sigurisë energjetike, rritjen e konkurrueshmërisë së ekonomisë dhe procesin e anëtarësimit të vendit në Bashkimin Evropian.
Solovova ka mbi dy dekada përvojë në financimin e zhvillimit dhe industrinë e investimeve, me përvojë në IFC, Soros Private Funds Management, Varde Partners dhe BERZH.
Që nga viti 2021 ajo ka drejtuar operacionet e BERZH-it në Shqipëri, ku Banka investoi rreth 900 milionë euro në më shumë se 90 projekte në sektorë të ndryshëm të ekonomisë.
